Daha bir ölkədə ekoloji cəhətdən zərərli avtomobillərin ölkəyə gətirilməsini məhdudlaşdıracaq

Litvanın Baş naziri Saulyus Skvernyalis ekoloji cəhətdən zərərli avtomobillərin ölkəyə gətirilməsini məhdudlaşdırmağı səsləndirib.

"Antenn.az  xəbər verir ki, Litva hökuməti Avropa Komissiyasının tövsiyəsi ilə bir neçə vergi rüsumlarının artırılmasını nəzərdən keçirir.  Buraya ilk növbədə ekologiyaya ziyan verən avtomobillərə əlavə verginin tətbiqi nəzərdə tutulur. Litvanın Baş naziri isə çıxış yolu kimi belə avtomobillərin ümumiyyətlə ölkəyə gətirilməsini məhdudlaşdırmaqda görür.

Həmçinin,  maliyyə naziri Vilyus Şapoka bildirib ki, ətraf mühitə ziyan verən avtomobillərə qarşı xüsusi vergi tətbiqi məsələsinə bu il baxılacaq.