Amerika Birləşmiş Ştatlarında 618,000 gənc milyonçu var

Onların 44 faizi bir ştatda yaşayır

ABŞ-da xalis qazancı 1 milyon dollar olan təqribən 618,000 milyonçu var. Bu barədə "Coldwell Banker Global Luxury and WealthEngine" qurumunun yeni hesabatında məlumat verilib.

Amerikada "Milleniallar" adlanan bu gənc nəsil 1982 və 1996-cı illər arasında anadan olublar və yaşları 23 və 37 yaş arasında dəyişir.

Hesabata görə, zəngin gənc nəsil arasında zənginlik arıtr. "2030-cu ildə mileniallar bugünkünə nisbətdə 5 dəfə daha çox zəngin olacaqlar və onların Böyük Zənginlik Keçidi ilə sələflərindən 68 trilyon dollar miras alacağı gözlənilir".

"Böyük Zənginlik Keçidi" deyilərkən, millenialların trilyonlara sahib valideynlərindən söhbət gedir, bu nəsil tarixin ən zəngin nəsli hesab olunur.

Bu gün Amerikada millenial milyonçuların 44%-i Kaliforniyada yaşayır. Qızıl ştatın ən böyük biznes sahiblərinə (23%) və ən böyük daşınmaz əmlak investorlarına sahib olduğu bildirilir.

Nyu-York siyahıda ikinci pillədə qərarlaşıb, millenial milyonçu əhalisinin 14%-i Nyu Yorkda cəmləşib.