Katolik liderlər evli kişilərə rahib olmağa icazə verib

Tarixi qərar Katolikliyin təməl qanunlarından birini dəyişdirə bilər

Katolik liderlər Amazon bölgəsində bəzi evli kişilərin kilsəyə rahib kimi təyin edilməsinə icazə veriblər. Papanın razılıq verməsi mütləq olan qanun layihəsi təsdiq olunarsa, bu, əsrlik ənənələrə əsaslanan rahiblərin evlənməməsi ilə bağlı katolik ehkamında dəyişikliyə səbəb olacaq.

Amazon bölgəsindəki bəzi kilsələrdə rahib çatışmazlığı ilə bağlı bəzi evli kişilərin rahib təyin olunması ilə bağlı qanun layihəsi 128 lehinə, 41 əleyhinə olmaqla qəbul olunub. Bu regiona Boliviya, Braziliya, Kolumbiya, Ekvador, Fransız Qvineyası, Qayana, Peru, Surinam və Venesuela kimi ölkələr daxildir.

Qanun layihəsi stabil ailələri olan, icmalarında hörmət görən və kilsələrə artıq dyakon kimi təyin olunmuş yaşlı kişilər üçün keçərlidir.

Amma evli kişilərə rahib olmağa icazə vermək, rahiblərə evlənməyə icazə vermək mənasına gəlmir, ona görə də qanun evlənmələrinə icazə verilməyən katolik rahiblər üçün keçərli olmayacaq.

Qanun layihəsinin həyata keçməsi üçün mütləq Papa Fransisin razılığı tələb olunur, onun qərarını ilin sonunda açıqlayacağı bildirilib. Papa əvvəllər belə bir istisnaya yol verə biləcəyinə dair eyham vurub.