Çin metrosunda qeyri-sivil davranışlar qadağan olunub

İlk dəfə metro qanunu bütün ölkə boyunca tətbiq ediləcək

Çinin gündəlik rəsmi dövlət qəzeti "China Daily" 2020-ci ilin 1 aprelindən etibarən ölkə metrolarında bəzi davranışlara qadağa qoyulacağını xəbər verib. Bu davranışlara yemək, içmək, oturacaqda ayaqüstə dayanmaq, səsli musiqiyə qulaq asmaq, uzanmaq və digər "qeyri-sivil" davranışlar daxildir.

"İçmək və yemək" qadağası yalnız tibbi narahatlığı olan insanlar, körpələr və azyaşlı uşaqlar üçün istisna olunacaq.

Ölkənin nəqliyyat nazirliyi oktyabrın 29-da yeni qaydaları müəyyən edib. İlk dəfədir ki, Çində metro qanunu bütün ölkə boyunca tətbiq ediləcək. Əvvəllər bu qaydalar səciyyəsi şəhərlərdə və regionlarda keçərli idi.

"Sərnişinlər üçün təhlükəsiz və rahat səyahət xidmətləri hər zaman təməl qayda və şəhərin metro nəqliyyatında əsas nəzər nöqtəsi olub", - Nəqliyyat nazirliyinin açıqlamasında bildirilib: "Şəhər metro təşkilatının və xidmətinin idarəedici qaydalarını ölkə miqyasında həyata keçirmək zəruridir".