Həkimlər ofislərdə şəkərli içkilərin satışını qadağan etməyə çağırır

Kaliforniya Universitetinin tədqiqatı qadağanın şəkər istehlakını yarıbayarı azaltdığını göstərib

 Iş yerlərindəki kafelərdən, bufetlərdən və avtomatik satış maşınlarından şəkərli içkilərin yığışdırılması insanların şəkər istehlakını yarıbayarı azaltdığını və sağlamlıqlarının yaxşılaşdığını göstərib.

Tədqiqatçılar 2015-ci ildə qadağa qüvvəyə minəndən sonra San Fransiskodakı Kaliforniya Universitetinin və onun tabeliyindəki xəstanaxa daxil olmaqla, 200 işçi heyətini monitorinq ediblər. Qadağadan əvvəl tədqiqatda iştirak edən heyətlər gündəlik bir litrdən çox şəkərli içki qəbul edirdilər, amma 10 aydan sonra onların şəkərli içki qəbulu yarıbayarı azalıb.

Tibbi yoxlanış zamanı məlum olub ki, şəkərli içkini azaldan işçiərin belindəki piy qatında 2 sm. azalma baş verib, insulinə müqavimətləri artıb və xolestrolları azalıb.

Tədqiqat işini aparan psixiatriya professoru Elissa Epel açıqlamasında deyib: "Sadə bir satış qadağasının işçilər üzərində böyük təsiri olub. Bu olduqca gözəl xəbərdir, çünki istənilən təsisat şəkərli içkilərin satışını məhdudlaşdıra bilər".