Bu ilin ən populyar mahnıları müəyyən olunub (Siyahı)

"Shazam" və "Spotify" ən populyar ifaçıların adlarını açıqlayıb

 "Shazam" musiqi servisi 2019-cu ildə ən çox hansı mahnıların axtarıldığı barədə məlumat yayıb. Bu barədə "Variety" məlumat verib.

"Shazam"ın siyahısında ilk pillədə amerikalı ifaçı Billi Aylişin "Bad Guy" treki yer alıb. İkinci pillədə şotlandiyalı musiqiçi Lyuis Kopaldi, üçüncü pillədə isə avstraliyalı musiqiçilər "Tones and I"ın "Dance Monkey" kompozisiyası qərarlaşıb.

Sonrakı yerlərdə bu ifaçılar sıralanıblar:

4. Pedro Capo və Farruko: "Calma"

5. Meduza və Goodboys: "Piece Of Your Heart"

6. Daddy Yankee və Snow: "Con Calma"

7. Şon Mendes və Kamila Kabello: "Senorita"

8. Lil Nas X: "Old Town Road"

9. Ava Max: "Sweet But Psycho"

10. Kelvin Harris və Rag’n’Bone Man: "Giant"

Qeyd edək ki, 3 dekabrda da "Spotify" musiqi platforması son 10 ilin ən çox dinlənilən musiqiçilərin siyahısını yayımlamışdı. Siyahının ilk pilləsində kanadalı reper Dreyk, ikinci pillədə britaniyalı musiqiçi Ed Şiran, üçüncü pillədə isə hip-hop ifaçısı Post Malone qərarlaşıblar.