82 yaşında birinci sinfə gedir

Türkiyənin Zonquldak bölgəsində yaşayan üç övlad və nəvə sahibi 82 yaşlı Sıdtık Budak məktəbə gedir.

Xalq Tədris Mərkəzinin açdığı kursa yazılan qoca məktəbli çantası ilə həftədə iki gün dərsə yollanır.

Türkiyə Daşkömürü Qurumundan pensiyaya çıxan S. Budak yoxsulluq səbəbilə uşaq ikən işləməyə başlayıb, maddi imkansızlıqdan məktəbə gedə bilməyib. Üç övladını oxudan, nəvələrinin də təhsilinə nəzarət edən Zonquldak sakini kurs açıldığını öyrənəndən sonra  82 yaşında birinci sinfə getməyə başlayıb. Müəllimlərinin söylədiyinə görə, o, əzmlə dərslərinə diqqət edir və yaxşı oxuyur.

“Hədəfim yoxdur, oxumağı öyrənsəm, mənə bəsdir. Diplom verməsələr də olar, yetər ki, informasiyam olsun” -deyə, S.Budak bildirib