Elmi araşdırma: Havanın çirklənməsi intellektin azalmasına gətirib çıxarır

Tədqiqatçılar dünya əhalisinin 95%-nin təhlükəli hava udduğunu bildirir

ABŞ-ın Yel Universitetinin İctimai Sağlamlıq Məktəbinin tədqiqatçılarının Çində apardığı araşdırmalar havanın çirklənməsinin intellektin kəskin şəkildə azalmasına gətirib çıxardığını müəyyən edib. Aparılan tədqiqat zamanı müəyyən edilib ki, çirkli hava udmağa məruz qalan insanların imtahan göstəriciləri aşağı olur.

Tədqiqat havanın çirklənməsinin rekord səviyyədə olduğu Çində aparılsa da, tədqiqatçılar dünya əhalisinin 95%-nin də təhlükəli hava udduğunu bildirirlər.

Çin Ailə Paneli Tədqiqatlarından 20 min insanın datasının götürülürək analiz edildiyi tədqiqat işində havanın kəskin şəkildə çirklənməsinin dil və riyaziyyat testlərində aşağı göstəricilərlə səbəb olduğu müəyyən edilib. İntellektin azalması isə oxşar şəkildə özünü təhsil ilinin itirilməsi ilə biruzə verir.

"Çirkli hava hər kəsin bir illik təhsil həyatının itirilməsinə səbəb ola bilər və bu, böyük göstəricidir. Üstəlik biz bilirik ki, çirkli hava yaşlı insanlara daha pis təsir göstərir, xüsusilə 64 yaşdan yuxarı insanlara və aşağı təhsilli insanlara. Əgər biz onların da göstəricisini yoxlamadan keçirsək, itirilən təhsil ili bir ildən çox ola bilər", - deyə tədqiqatçılardan biri Xi Chen deyib və əlavə edib: "Sənin harada yaşamandan asılı olmayaraq, bu göstərici eynidir. Biz insanların fərqli cəhətlərindən daha çox ümumi cəhətlərimiz var".

Çirkli havanın intellektə mənfi təsirinin potensial baxımdan oksidativ streslə, nevroinflammasiya və nevrodegenerasiya ilə əlaqədar ola biləcəyi vurğulanır.