Çində uşaqların genini dəyişən alimə hökm oxunub

Çin məhkəməsi əkiz qızların genini dəyişən alim He Tzyankuyu üç il azadlıqdan məhrum edib və 3 milyon yuan (təxminən 430 min dollar) cərimələyib.

Çin mərkəzi televiziyasına xəbər verir ki, alim insan genini dəyişdiyi barədə ötən il məlumat vermişdi. O, süni mayalanma prosesindən öncə insan embrionunun genomunu dəyişib. Uşaqlardan CCR5 genini çıxarıb və onlarda HİV virusuna ömürlük immunitet yaranıb.

Həmin təşəbbüs uşaqların valideynləri tərəfindən dəstəklənsə də, elmi dairələrdə sərt tənqidə məruz qalıb. Rezonanslı təhqiqatla məşğul olan qrup He Tzyankuyun əməliyyatı şəxsi vəsaiti hesabına keçirdiyini, lakin eksperimentlərin Çin qanunlarını ciddi şəkildə pozduğunu deyib.

Genlərin qanunsuz redaktəsi işi üzrə daha iki çinli alim də məsuliyyətə cəlb olunub – Çjan Jenli iki il həbs cəzasına və 1 milyon yuan cəriməyə, Sin Szinçjou isə bir il altı ay həbs cəzasına və 500 min yuan cəriməyə məhkum edilib.