Finlandiya evsizlik problemini həll edir və ehtiyacı olan hər kəsə ev verir

Finlandiya hökuməti qarşısına hədəf qoyub: hər bir vətəndaşın evi olmalıdır.

Finlandiyada evsiz insanların sayında kəskin azalma baş verib. Səbəb ölkənin "İlk əvvəl ev" konsepsiyasını həyata keçirməsidir.

Proqram çərçivəsində evsizlik problemi olan vətəndaşlara heç bir bir ilkin şərt göstərilmədən, kiçik ev verilir və konsultasiya xidməti göstərilir. Beləliklə, bu xidməti alan beş nəfərdən dördü stabil həyata geri qayıdır.

1980-cı illərdən bəri Fin hökumətləri evsizlik problemini həll etməyə çalışıblar. Qısa müddətli sığanacaqlar tikilib. Amma bir çox insanlar ciddi evsizlik problemi yaşamaqda davam edirdilər və əziyyət çəkən bir çoxları evsizlikdən xilas ola bilmirdilər. Onlar ev adresi göstərmədən iş tapa bilmirdilər. Və işləri olmadan ev tapa bilmirdilər. Bundan başqa, bu insanlar sosial müavinətlərdən yararlana bilmirdilər. Bütünlükdə evsiz kimsələr özlərini tələyə düşmüş vəziyyətdə tapırdılar.

Amma 2008-ci ildə Finlandiya hökuməti evsizlik problemini həll etməkçün yeni siyasət tətbiq etməyə başladı: "İlk əvvəl ev" konsepsiyası işə düşdü. O zamandan bəri evsizlik problemi yaşayan insanların sayında kəskin azalma baş verib.

Finlandiya qarşısına hədəf qoyub: heç kim küçələrdə yaşamalı deyil, hər bir vətəndaşın yaşayış yeri olmalıdır.

Və ölkə uğur qazanıb: Finlandiya yeganə Avropa Birliyi ölkəsidir ki, evsiz insanların sayında kəskin azalma müşahidə olunur.