Boris Conson: "Rusiyanın təhdidlərinin davam etdiyi müddətdə ikitərəfli münasibətlər normallaşa bilməz"

Rusiya nə qədər ki Böyük Britaniyanın və onun müttəfiqlərinin təhlükəsizliyini təhdid edəcəksə, bu müddətdə rəsmi Londonla Moskva arasında münasibətlər normallaşa bilməz.

Bu sözləri Britaniyanın Baş Naziri Boris Conson Berlində Liviya üzrı beynəlxalq konfrans çərçivəsində Rusiya Prezidenti Vladimir Putinə deyib. Məlumatı Britaniya hökuməti rəhbərinin dəftərxanası yayıb.

“Baş Nazir Rusiyanın Böyük Britaniyanı və onun müttəfiqlərini təhdid edən, vətəndaşlarımızın təhlükəsizliyini və kollektiv təhlükəsizliyi pozan hərəkətləri dayandırmayacağı müddətdə ikitərəfli münasibətlərimizdə heç bir normallaşmanın olmayacağını deyib”, - deyə məlumatda qeyd olunub.

Conson, həmçinin vurğulayıb ki, “Londonun Solsberi məsələsinə dair mövqeyi dəyişilməz olaraq qalır”.