Yeni yaradılan süni intellekt uşaq və yeniyetmələrin intiharına imkan vermiyəcək

Tədqiqatçılar elektron poçt, SMS, “Snapchat”, İnstaqram və “WhatsApp” onlayn xidmətləri araşdıraraq uşaq və yeniyetmələri intihardan qoruyan süni intellekt hazırlayıblar.  

Əslində internetdəki fəaliyyəti araşdıraraq şəxsin siyasi baxışlarından tutmuş qida və cinsi istəklərinə qədər çox şeyi öyrənmək mümkündür. Sosial şəbəkələrdə insan davranışını təhlil edən, alkoqol, tütün və ya narkotikdən asılı olduğunu yüksək dəqiqliklə müəyyən etməyə imkan verən  statistik alqoritmlər mövcuddur. “Bark.us” vasitəsilə aparılan  statistik təhlilin məqsədi uşaqların danışığını elektron poçtlardan, SMS və sosial platformalardan izləyərək, onların kiberbulinqdən, intihardan, mümkün depressiyalardan əziyyət çəkib-çəkmədiyini öyrənməkdir. Burada, həmçinin cinsi təcavüz və narkotik istifadəsi də qeyd olunur.

Təşviş əlamətləri hiss olunduqda valideynlərə elektron poçt vasitəsilə  xəbərdalıq edilir, sonra isə hansı addımı atmaq haqqında məsləhətlər verilir. Tərtibatçıların sözlərinə görə, 500 milyondan çox mesajı təhlil etdikdən sonra süni intellekt vasitəsilə təxminən 25 uşaq xilas olunub.

2015-ci ildən alqoritm işə başlandığı vaxtdan minlərlə valideynə “narahatlıq” bildirişi göndərilib. Direktor Brayan Bason bildirib ki, valideyinlər bu xəbərdarlqdan çox məmnun qalıblar.

“Bark.us” xidmətinə abunə olmaq bir ailəyə aylıq 9 dollara, illik 99 dollara başa gəlir. Şirkət doqquz işçidən ibarətdir və Atlantda, Corciniyada yerləşir.