Düşüncə gücü ilə kompüter idarəetmə texnologiyası yaradılır

Feysbuk ekran və ya klaviatura toxunmadan smartfon, kompüter və digər rəqəmsal cihazları idarə etməyə imkan verən startapın yaradılmasıyla bağlı CTRL-Labs şirkəti ilə razılığa gəlib.

Dünyanın ən böyük sosial şəbəkəsi bu müqavilə üçün 500 milyon – 1 milyard dollar arası məbləğdə pul ödəyəcək.

Onlarla işçisi olan və 10 milyonlarla kapital qoyulmuş bu startapın hazırlanması 4 ildir ki, davam edir. Startap insanın qolundakı neyron fəaliyyətini ölçmək üçün proqramlanmış qolbaqdan ibarətdir. Ağıllı qolbaq insan beynindəki sinir siqnallarını ölçərək onları kompüterin anlaya biləcəyi rəqəmsal siqnala çevirəcək. Bununla da düşüncənin ekrandakı faktiki mətnə ​​çevirilməsi, həmçinin hərəkət etmədən fotoşəkil paylaşmaq və ya ismarıc yollamaq mümkün olacaq.

Xatırladaq ki, Feysbuk 2017-ci ilin əvvəlində düşüncə gücündən istifadə edərək dəqiqədə 100 söz yazmağı bacaran bir sistem üzərində çalışdığını elan etmişdi.