Avstraliya paytaxtı 100%-lik bərpa olunan enerjiyə keçir

Kanberra 2020-ci ildən bütün enerji istehlakını bərpaolunan mənbələrdən alacaq

 Avstraliya paytaxtı Kanberra şəhəri Cənub Yarımkürəsində bütün enerjisini bərpa olunan mənbələrdən alan ilk böyük şəhər olacaq.

Kanberra 2020-ci ilin 1 yanvar tarixindən etibarən bütün enerjisi istehlakını bərpaolunan mənbələrdən alan dünyanın 7 digər yaşayış bölgəsinə qoşulacaq.

400,000 əhalisi olan Kanberranın bərpa olunan enerjini əsasən Günəş və külək enerjisindən alacağı bildirilir.

Bütövlükdə 2020-ci ildən sonra Avstraliya əhalisinin 33%-i enerji istehlakını bərpa olunan enerji mənbələrindən alacaq.

Qeyd edək ki, Almaniyanın Reyn-Hunsrük bölgəsi 2012-ci ildə 100%-lik enerji istehlakını bərpa olunan enerji mənbələrindən alan ilk yaşayış bölgəsi olub, ondan sonra Almaniyada 2, Avstraliyada 3, İspaniyada isə 1 yaşayış nögəsi 100%-lik bərpa olunan enerji istehlakına keçib.