"Xalq yazıçısı" Anar "Canlı kitab"-ın qonağı olacaq

 Radio məkanında  “Radio Antenn 101 FM”-in səs gətirən yeni mövsüm layihələrindən biri olan “Canlı kitab” verilişində dünya və Azərbaycan ədəbiyyatının ən gözəl bədii nümunələri seçilərək aparıcı, peşəkar qiraət ustası Elçin Hacı tərəfindən səsləndirilir. Həftənin dörd günü qiraətə, bir günü isə studiyaya dəvət olunan qonaqla – millət vəkili,  yazıçı, şair, rejissor, tənqidçi, ədəbiyyatşünas, aktyor və.s. mütəxəssislə müzakirəyə həsr edilir. Müzakirə günündə dinləyicilərlə canlı bağlantı imkanı da yaradılır. Bu həftə isə  “Radio Antenn 101 FM”-də “Canlı kitab”ın qonağı “Xalq yazıçısı”, Azərbaycan Yazıçılar Birliyinin sədri Anar olacaq. Əziz dinləyicilər, ədəbiyyatsevərlər sizdə ədəbi müzakirəmizə qoşula, suallarınızı qeyd edə, diskusiyamızdan  zövq ala bilərsiz.

Xatırladaq ki, “Canlı kitab” layihəsi sentyabrın 2 - dən etibarən yayımlanır  bundan başqa veriliş bitən kimi həmin video materiallar paralel olaraq youtube səhifəmizdə “Canlı kitab” kanalında yerləşdirilir.